مىراس ۋە ۋارىس
(ناخشا تېكىستى)
(بۈيۈك ئۇيغۇر ئالىمى يۈسۈف خاس ًھاجىب تەۋەللۇتىنىڭ مىڭ يىللىقىغا ئاتاپ)

ئابدۇرەئوپ تەكلىماكانىي 

تەڭرىتاغ باغرىدا، تارىم قوينىدا،
ياشاغان كۆپلەگەن ئىلىم سەردارى .
ئۇلارنىڭ ئىچىدە تولىمۇ ياڭراق -
يۈسۈف خاس ًھاجىبنىڭ مۇبارەك نامى.

ئۇ يازغان شاھ ئەسەر «قۇتادغۇ بىلىگ،
مەرىپەت ئەًھلىگە ئوقۇشلۇق كىتاب.
ئىلىم-پەن بويىچە نۇسرەت قۇچۇشنى-
ئۆگەتكۈچ دەستۇر ئۇ قىممەت بىٌھىساب.

ئوقۇدۇق ئەۋلادلار ئۇنى ئون ئەسىر،
قانمادۇق ئۇ بەرگەن شەربەتنى ئىچىپ .
جاپالىق تۈنلەردە داۋانلار ئاشتۇق،
تۇرغاچ ئۇ مەشئەلدەك پارلاق نۇر چاچىپ.

بۈگۈن پەن- تەخنىكا بەرق ئۇرغان دۇنيا،
قۇت بەرگۈچ بىلىككە تەخىمۇ مۇًھتاج .
ئىلىم- پەن بەيگەدىن چىقىمىز غالىب،
«قۇتادغۇ بىلىك»نىڭ ۋارىسى بولغاچ.

نەقرات:
يۈسۈف خاس قالدۇرغان «قۇتادغۇ بىلىك»،
مىراستۇر ئۇيغۇرغا پۈتمەس كۈچ-يىلىك.

2013-يىل، 2-نويابىر، كاشغارىيە.
2019-يىل، 5-ئۆكتەبىر، كالىفورنىيە.